Новый доме Евфрафов, уделе избранный, Русь Святая,
храни веру православную, в нейже тебе утверждение.
Якоже плод красный Твоего спасительнаго сеяния, земля Российская приносит Ти, Господи, вся святыя, в той просиявшия. Тех молитвами в мире глубоце Церковь и страну нашу Богородицею соблюди, Многомилостиве.
Яко избранных от людей русских, снятии сродницы наши, сошёдшеся днесь, восхваляем вас, яко, течение совершивше, веру сохранили есте и приясте от Бога победы вашея венцы; Егоже молите от бед и скорбей избавитиоя верою совершающим всечестную память вашу.
Веры бронями, и щитом благодатн и, и креста копием вооружившеся, сопротивныи силам непобедими бысте и, яко Божественнии храборницы, демонская ополчения победивше. со ангелы ликуете, верныя же заступаете, и освящаете, и спасаете, призываемии.
Яко звезды многосветлыя, яко свет вёлий сияющий, на тверди небесней вас вемы, и яко бисер многоценный. яко камение блистающее, яко сыны дне, яко избранных от рода русскаго, яко поборники верных прославляем, совершающе вашу память блаженнии.
Иерусалима Вышняго гражданы, от земли нашея возсиявшия и Богу во всяцем чину и всяким подвигом угодившия,/ придите, воспоим, верни: о всеблаженнии земли Российская заступницы, / молитеса ко Господу, да помилует сию от гнева Своего, исцеляя сокрушение ея, и вервыя люди Своя утешит.
К Заступнице страны нашея, Прионодеве Богородице, притецём и к нервописанней иконе Ея ныне припадем, с верою зовуще из глубины души: о Мати Божия, спаси землю Русскую, исцели сокрушение ея и вервыя люди утеши.
Блаженнии богомудрии князи е Российстии, I православною мудростию сияющии, добродетелей же светлостию блистающии, озаряете верных исполнения, бесов тьму отгоняюще; темже, яко причастники невечерния благодати и наследия вашего хранители непостыдныя, вас почитаем, досточуднии.
Мученицы Христовы преблаженнии, I на вольное заколение сами себе предаете, и землю Русскую кровьми вашими освятисте, и воздух просветисте преставлением; ныне же живете на Небесех, во свете невечернем, о нас всегда молящеся, боговидцы,
Блаженнии Христа ради юродивин и праведнии, в России просиявшии, вы, отвержением себе Христу последовавше, мудрейшим юродством прехитрили есте диавола, сего связавше подвиги вашими, и, богатство носяще в души некрадомо, вся Христова учения делом исполнисте, и, ныне на Небесех ликующе, не престайте молитнся о Русстей земли и о всех почитающих вас.
Святых память велие торжество явися земли нашей, и, о том хвалящеся, возглаголем. не забудите отечествия вашего, Русския земли, но всех нас поминайте, совершающих память вашу, вси святии, молящеся о нас ко Господу
Веселися о Господе, Русь Православная, радуйся и ликуй, верою светло одеявшися, телеса подвижников веры и свидетелей истины в недрех своих имущи, яко сокровище, насладися чудес, от них истекающих, и, видящи полк сей святый, от видимых и невидимых врагов тя ограждающий, благодарно Спасу ВОЗ0ПИЙ: Господи, слава Тебе.
Аще и глаголют сынове века сего: приидите, отставим вся праздники Божня от зеили, но Царство Господне и еще державствовати имать, дерзость врагов отражающее. Темже настоящее торжество светло празднующе, Единому Царю и Богу нашему возопиим: слава Тебе, Русь Православием освятившему; / слава Тебе, святыя многия в ней прославльшему: слава Тебе, и доныне верным крепость дарующему.
Боголюбивая Царице, Неискусомужная Дево, Богородице Марие, моли за ны Тебе возлюбившаго и рождшагося от Тебе Сына Твоего, Христа Бога нашего, подати нам оставление прегрешений, мирови мир, земли плодов изобилие, пастырем святыню и всему человечу роду спасение, грады и страны Российския от нахождения иноплеменных заступи и от междоусобныя брани сохрани. О Мати Боголюбивая Дево, о Царице Всепетая! Ризою Своею покрый нас от всякаго зла, от видимых и невидимых враг защити / и спаси души наша.
Ежелетнюю память днес святых сродников наших совершающе, достойно сия да ублажим. Тии воистинну чрез вся блаженства Господня проидоша: обнищавше бо духом - обогатишася и кротцы бывше - землю кротких наследоваша, плакавше - утешишася, алкавше правды- насытишася, миловавше - помиловани быша, чисти бывше сердцем - Бога якоже мощно узреша, миротворивше - Божественнаго сподобишася сыноположения, гоними же и мучими правды ради и благочестия бывше - на Небесех ныне веселятся и радуются и прилежно молятся Господеви помиловатноя отечеству нашему.
 Радуйся, Церковь Российская верная.т радуйся, княже, благоверный Владимире преславный, радуйся, Ольго избранная! Вы бо есте ко Владыце всех первейшии наши ходатаи, и начальницы православия, и наставницы ко истинней вере. Радуйся, всяко место, и страна, и град, гражданы воспитавшии Небеснаго Царствия, сии святая светила душам нашим явишася, сии чудес зарею, и делы, и знамении просияша мысленно во вся концы и ныне Христу молятся подати душам нашим велию милостъ.
Радуйтеся, земли Русокия украшение, Церкве нашея непоколебимое утверждение, славо православных, чудес источницы, любве струи неистощимыя, светильницы многосветлии, Духа Святаге органи, кротцыи и незлобивии, добродетельми украшеннии, человецы небёснии, земнии ангели, Христа друзи искреннии! Того прилежне молите подати вас чтущим велию милость.
Приидйте, Небеснии предстателие наши, к нам, вашего требующим милостивнаго посещения, и избавите озлобленныя мучительскими прещении лютаго неистовства неверных, от нихже, яко пленницы и нази, гонимы есмы, от места на место часто преходяще и заблуждвюще в вертепех и горах. Ущедрите убо, прехвальнии, и даруйте нам ослабу, утолите бурю и угасите еже на ны негодование, Бога моляще, подаюшаге вами земли нашей велию милость.
Глас евангельский услышавше и апостольскою ревностию распалившеся, в научение неверных яаыков устремистеся, богоблаженнии равноапостольнии Кукше, Леонтие, Стефане и Гурие, Германе Аляскинский, и святителю отче Николае Японский, и досточудный Иннокентие, великия Сибирския страны апостоле и просвещения за морем сущих новых стран во Америце первоначальниче. Темже со всеми прочнми, во благовестии Христове потрудившимися, достойно ублажаетеся.
Присно страна Российская о Тебе хвалится и веселится, имущи Тя Заступницу непостыдную и стену нерушимую, не оскудей и ныне, Владычице, избавляти Твоя люди от всех бед.
Величаем Тя, Триипостасный Владыко, верою православною землю Русскую озарившаго и святых сродников наших сонм велий в ней прославльшаго.
Ублажаем вас, чудотворцы наши славнии, землю Русскую добродетельми вашими озарившии и образ спасения нам светоявленно показавшии.
|
